ياونتي عصر آمس والبارحة عزاه=وضحى اليوم قلبي وسطه النار مشبوبه
دنت قدرتي والقبر حطو على مطواه=من آسباب محبوبي ولا جال مكتوبه
ياليت الحبيب صوب قبري تسير خطاه=يصلي علي لو ركعة والكفن ثوبه
ولمن آنه سأل من قدرتي فالسبب فرقاه=قتيل توفى قدرة عند ماجوبه
آنا حالف لو كنت تحت اللحد منساه=ولاجوز من حبه ولا طري التوبه
لطيف الحشا وجدي على جيته وجداه=وجود الصغير ماتت آمه وعاجوبه
وياونتي ونة صويب رموه آعداه=نهار الملاقى وآقتضاء الدين ثاروبه
ووجدي عليهم وجد من رد من هواه=بلاه البغيض ورغبة النفس عيوبه
على صاحب لوحيت بين العرب طرياه=تهل العيون الدمع ماهي مضروبه
ياقرب طاريهم ويابعدهم بعداه=لاجاته آخباري ولا وصل مندوبه
وآتلا العهد به في ضحيه سقاه الله=شهر به فرح وسرور والناس فرحوبه
ومع حزة الغيبه توادعت آنا وياه=وقفا وآنا قفيت والقلب قفوبه
وعيني تهل دموعها يوم وادعناه=ولا باقي إلا الجسم والقلب راحوبه
وخيله بعيني لين شفت الجبل غباه=ومش الدموع الجاريه وآلتفت صوبه
من ديرته رحنا لدار لنا مجفاه=لاهي بشف لي ولا هي مرغوبه
كني بها مسجون شرعاً وحكم قضاه=وراء الباب والبواب ومناوب النوبه
ياسعد آبو من سج ببلادهم سعداه=ونزل ديرةٍ هل عذب الآنياب حلوبه
لي سار في الآرض السنه جا الحيا يتلاه=وسقاها لو آنه عشرة آعوام مجذوبه
ولمنه تكلم كن نقد الذهب بحكاه=ومن راسها لحد الآقدام مصبوبه
وخده كما براق ليلي سمر سناه=والعين عين إللي على الجول هدوبه
دقيق المعنق جعل جمع البني فداه=مليحٍ وسط وإللي على الحور حلوبه
كن العسل بين الضواحك وبين شفاه=على هقوتي ولا فما ذقت مشروبه
بيني وبينه صار نمامة وعداه=عسى الله يجازي راعي الحكي بذنوبه
وعسى من سعى بشر بين العرب يلقاه=ويقطع جزيل المد رزقه ومطلوبه
ولي مات جعل النار في الآخرة مثواه=مع آهل الجحيم إللي بالذقام مصلوبه
طول علي الوقت والقلب شره جاه=وضيعت آنا وقتي والآيام محسوبه
وآنا حالف مدله ولا توب من هواه=ماني بروع دلهو له بلعبوبه
ياحرق قلبي فوق جمر الغضا حرقاه=إذا حل طاريهم دنا القلب لاهوبه
ولا يالطيف الروح روحي تراك دواه=ومريض الهواء ماينفعه كون محبوبه
ولو مايذوق إلا العسل عيشته تبراه=وعلاجه خفي وجمع لطباب حاروبه
دخيلك عن التعذيب ياصاحبي مقواه=تحكم بنا في واجب الحب وآسلوبه
الشاعر : حشان آبن مسرع آل دبيش آل فطيح
0 التعليقات:
إرسال تعليق